மௌனத்தின் மயக்கம் ...!

வயலினிலே வரப்பில்லை

வந்த மழை பெய்யவில்லை ,

வட்டியிலே சோறு இல்லை ,

வாழ்வதற்கு வழி தெரியவில்லை !
இது தந்தையின் ஏக்கம் ....!

மானத்துக்கு சேலையில்லை ,

கூரையிலே ஓலையில்லை ,

விழிகளுக்கு ஈரமில்லை ,

இமைகளுக்கு வேலையில்லை ,

இது தாயின் துக்கம் ....!

கூந்தலிலே என்னையில்லை ,

கொண்டையிலே பூவுமில்லை ,

கூடிச் சேர மனமுமில்லை ,

கொண்டவனுக்கோ ஆசையுமில்லை .,

இது தாரத்தின் ஏக்கம் ....!

வாரிக் கொடுக்க வசதியில்லை ,

வான் நிலவும் சிரிக்க வில்லை ,

வார்த்தைக்கு அர்த்தமில்லை ,

வாழ்க்கையோ புரியவில்லை ....!

இது என் துக்கம் ....!

வாழ்வினில் ஏக்கம் -இங்கே

பாதியில் தூக்கம் !
வசந்தமோ துக்கம் -இங்கே !

வறுமையோ பக்கம் !

நட்பிடம் மஞ்சம் -இங்கே

உறைவிடம் வஞ்சம் !

உள்ளத்தில் கலக்கம் -இங்கே

உண்மைக்கு வெட்கம் !
மௌனத்தின் மயக்கம் -இங்கே

மாறி விட்டால் மணக்கும் ..!