இளைஞனே ...காதல் செய்....!

இளைஞனே ...

காதல் செய்....

காதல் வேண்டும்...!

தோற்றுப் போனால்

துவளாதே...!

தோற்றலும்

ஜெய்த்தலும்

காதலின் இலக்கணம்...!

திரும்பி பார்...

சரித்திரர்களின்..

சாம்ராஜ்யங்கள்

சாம்பலாகி...மண்ணோடு ...!

தோல்வியின்றி

வெற்றியில்லை ..

காதலிலும்தான் ...!

இலையுதிர்

காலங்களில்..

மரித்துப் போவதில்லை ...

மரம்...!

"இதயத்தில் இடமில்லை"

என்பதற்க்காக ..

"கல்லறையில் "

இடம் தேடலாமா...!

தூங்கினவன்

எழுந்ததாக ...

வாழ்ந்தோர்

சொன்னதுன்டோ ...!

"தாஜ்மஹால்"

மனைவிக்காகத்தான்

கட்டினான்..!

காதலிக்காக

அல்ல...!

அம்பிகாவதி..அமராவதி .

பார்வதி ..தேவதாஸ் ...

லைலா ..மஜ்னு ...

சலீம் ..அனார்க்கலி ...

காதலுக்கு ..மரியாதை

செய்தவர்கள்...!

காதலோடு ...

வாழ்ந்தார்களா ...!

"மூன்று முடிச்சு "

முப்பாலையும்

உனக்குணர்த்தும் ...!

அறிவாய்..

அப்போது ...

உண்மைக்காதலை ...!

சாதிக்கும்

நேரத்தில்...

சோதிக்கும்

காதலால்..

இலட்சியங்கள் ...

சவக்கிடங்கில்...!

நீ...

வாழவேண்டும் ..

எந் நாட்டு ...இளைஞனே ..!

இது ...

கதையல்ல ...

கவிதையுமல்ல ...!

உன்னிடம்

கேட்கும் ...

வரம்...!

எனக்கு வேண்டுமடி ...!

உன் கோபம்

வேண்டுமடி ....

நான் நானாக இருக்க...!

உன் சிரிப்பு

வேண்டுமடி ...

மனம் நோகாதிருக்க...!

உன் சினுங்கல்கள்

வேண்டுமடி ...

மயக்கம் மாறாமலிருக்க ...!

உன் தழுவல்

வேண்டுமடி ...

உன்னை தொலைக்காமல் இருக்க...!

முழுதாய் நீ

வேண்டுமடி ..

என்னை தொலைக்காமல் இருக்க...!

சொல் பாவையே ...சொல்..!

பார்க்க மட்டுமே தெரிந்த

என் கண்களுக்கு ,

கண்ணீரை வரவழைக்க

கற்றுக் கொடுத்தவளே ...!

என் காதலை

காகிதத்தில் எழுதினேன்- அதில்

கப்பல் செய்து

காட்டாற்றில் விட்டு விட்டாய் !

கப்பல் மூழ்கி விடலாம்..என்

காதல் மூழ்காது...!

நான்

காணும் கனவுகளுக்கு

கப்பம் கட்டிக்கொண்டு இருக்கிறேன்..

நீ

வராமல் இருந்து விடுவாயோ..

என்ற பயத்தில்...!

நம் காதலுக்கு எதிரி யார்...

காசா..கடவுளா...

மதமா...ஜாதியா..

சொல் பாவையே சொல்...!

ஊரு போய்ச் சேரனும்....!

உச்சி வெயிலு வரதுக்குள்ள
ஊரு போய்ச் சேரனும்..!
மாராப்புச் சேலையை
தலையில் சுருட்டி,
கண்டாங்கி சேலையை
இடுப்பில் சொருகி ,
வெட்டிவைத்த விறகுக்கட்டை
தலையில் ஏற்றினாள்...!

காவக்காரன் வருவதற்குள்
போயிடனும் ....இல்லன்னா
சண்டாளான்...கண்ட இடத்தில்
பூரான் பார்வை பார்ப்பான் ...!
உச்சி வெயிலு வரதுக்குள்ள
ஊரு போய்ச் சேரனும்..!

பள்ளிக்குப் போறபுள்ள
அதிசயமா அரிசி சோறு
வேணுமின்னு அழுறான் ,
கேப்பக்கூலும்,கம்மங்கஞ்சியும்
வாழ்க்கையாய் ஆன எங்களுக்கு
அரிசி சோறு ஆகாயா தூரம்தான்...!
அடுத்த வீட்டுக்காரிட்ட விறக வித்தா ,
அஞ்சு ரூபா கொடுப்பாக...
ஆசைப்பட்ட புள்ளைக்கு
அரிசி சோறு போடனும்...!
உச்சி வெயிலு வரதுக்குள்ள
ஊரு போய்ச் சேரனும்..!



கட்டினவன்,
காலையிலயே
கள்ளக்குடிச்சு ...
எங்கே கிடக்கிறானோ..
எவ வீட்டு முன்னாடி தூங்குறானோ...!
ஆத்தா ..சொன்னா ...
"அழகா இருக்கான்னு
அவசரப்படாதிடி "ன்னு..
ம் ....அனுபவிக்கிறேன் ...!
அடி பொண்ணுகளா ...
உழைக்கிறவந்தான் ஆம்பளை ...
அழகெல்லாம் அப்புறம்தான்....!
உச்சி வெயிலு வரதுக்குள்ள
ஊரு போய்ச் சேரனும்..!
ஆசைபப்பட்ட புள்ளைக்கு
அரிசி சோறு சமைச்சு போடனும்...!
******************